Të mërkurën janë luajtur ndeshjet e fundit në grupet e raundit kryesor të kampionatit evropian të hendbollit që po mbahet në Kroaci. Vetëm në ndeshjet e fundit janë caktuar katër përfaqësueset që do të luajnë në gjysmëfinale të evropianit. Prej grupit të parë në gjysmëfinale janë kualifikuar Franca e Suedia, ndërsa prej grupit të dytë në gjysmëfinale kanë kaluar Danimarka e Spanja.
Në gjysmëfinalen e parë, më 26 janar nga ora 18:00 në Zagreb takohen Franca e Spanja, ndërsa në të njëjtin vend nga ora 20:30 luajnë Danimarka e Suedia. Edhe gjysmëfinalja e dytë luhet më 26 janar. Për vend të pestë do të luajnë Kroacia e Çekia, po më 26 janar, nga ora 15:30. Kroacia u rendit e treta në grupin e parë, ndërsa Çekia në grupin e dytë.
Të mërkurën janë luajtur ndeshjet në të dy grupet. Në grupin e parë fillimisht Bjellorusia fitoi ndaj Serbisë me rezultat 32:27. Më pas Norvegjia fitoi ndaj Suedisë me rezultat 28:25, por kjo fitore nuk i mjaftoi që të shkoi tutje. Ndeshjen vendimtare në mes Kroacisë dhe Francës e fitoi Franca me tri gola dallim, 30:27. Nedim Remili me gjashtë gola udhëhoqi francezët, kurse te Kroacia më efikasi ishte Manuel Shtrlek poashtu me gjashtë gola.
Në grupin e dytë në ndeshjen e parë Sllovenia e Çekia barazuan me rezultatin 26:26. Danimarka e shkeli më pas Maqedoninë duke e mposhtur me 31:20, kurse Spanja në ndeshjen e fundit fitoi ndaj Gjermanisë me 31:27. David Balaguer me gjashtë gola ishte më efikasi te Spanja kurse Kai Hafner realizoi pesë gola për Gjermaninë.
Grupi 1
1 Franca 5 10
2. Suedia 5 6
3. Kroacia 5 6
4. Norvegjia 5 6
5. Bjellorusia 5 2
6. Serbia 5 0
Grupi II
1 Danimarka 5 8
2. Spanja 5 6
3. Çekia 5 5
4. Sllovenia 5 4
5. Gjermania 5 4
6. Maqedonia 5 3
