Kombëtarja U16 e Kosovës në hendboll (vajzat) e ka luajtur të martën ndeshjen e tretë në Kampionatin Mesdhetar që po mbahet në Podgoricë të Malit të Zi.
Pas ndeshjeve me Malin e Zi dhe Rumaninë, vajzat tona kishin tjetër sfidë të vështirë. Përballë e kishin Spanjën. Spanja fitoi me rezultat 20:8. Ndonëse rezultati është i lartë, vajzat tona në momente kanë shfaqur vlera.
Gjithsesi kjo ndeshje do të shërbejë si përvojë shumë e rëndësishme për të ardhmen e kësaj gjenerate në hendboll.
Kjo ishte ndeshja e fundit e Kosovës në kuadër të grupit A. Tani vajzat tona i kanë ndeshjet për plasman përfundimtar.
