Istogu – Vushtrria është derbi i xhiros së 11-të në Superligën e Kosovës në hendboll (femrat). Kjo ndeshje luhet të dielën prej orës 18:00 në palestrën e qytetit në Istog.
Istogu udhëheq në tabelë me 20 pikë, dy më shumë se Vushtrria e vendit të dytë. Humbjen e vetme vushtrriaseve në vjeshtë ua shkaktoi pikërisht Istogu. Istogaset në Vushtrri kishin fituar me vetëm dy gola dallim, 27:25.
Prandaj pritet ndeshje e fortë dhe interesante edhe në Istog. Skuadra vendase është e pamposhtur kurse të enjten fitoi Superkupën.
Të dielën janë edhe tri ndeshje tjera të xhiros së 11-të: Samadrexha – Vëllaznimi (15:00), Dukagjini – Ferizaj (15:00), Prishtina – Shqiponja (13:00).
Java hapet me ndeshjen Jusuf Gërvalla – Kastrioti, që luhet të shtunën prej orës 15:00.
Menu
