Kapitenja e Kosovës, Leonora Demaj, po shkëlqen në Danimarkë

Në Danimarkë, vendin që të dielen u shpall kampion i botës në hendboll, po shkëlqen kapitenja e kombëtares së Kosovës, Leonora Demaj. Ajo po e udhëheq skuadrën Sonderjyske drejt elitës së hendbollit danez. Danimarka e ka shumë të zhvilluar hendbollin e femrave, njëjtë si atë të meshkujve, dhe ka njërën prej ligave më të forta evropiane.

Sonderjyske pas 14 javëve renditet në vend të dytë me 22 pikë. Horsensi është i pari me 27 pikë. Vendi i parë dërgon direkt në elitë kurse vendi i dytë dhe i tretë në garat shtesë për një vend në kampionatin elitar.

Skuadra e kapitenes tonë të shtunën fitoi ndaj Bjerringbro me rezultatin 29:26. Në këtë ndeshje Demaj ishte prej më të mirave, si në të gjitha ndeshjet e fundit. I shënoi 6 gola. Me 58 gola në 14 takime, Demaj është prej shënueseve të mira të kampionatit. Numri i golave të saj po shkon duke u rritur gradualisht, por Demaj kërkon edhe më shumë nga vetja.

“Në lojërat e fundit kam luajtur shumë mirë, mirëpo nuk jam e kënaqur ende. I kam pasur disa lëndime që kanë ndikuar që mos të jem ende aty ku duhet të jam”, ka deklaruar Leonora Demaj. Tani skuadrën e saj e pret derbi me Horsensin, më 1 shkurt. “Horsensi ka luajtur mirë gjithë sezonin. Besoj se do të jetë një ndeshje shumë e fortë. Mirëpo nuk besoj që mund të arrijmë vendin e parë pasi i kemi 5 pikë më pak. Duhet të mbajmë vendin e dytë dhe qëllimi ynë është të luajmë ndeshjet kualifikuese për në ligën e parë”, ka thënë Demaj. Ajo është e vendosur të kthehet në elitën daneze.

“Unë kam dëshirë të kthehem në ligën e parë. Por qëllimi im është që të përfundojmë mirë këtë sezon dhe të kalojmë në elitë. Jam shumë e kënaqur në Sonderjyske dhe shpresoj që rikthimi në ligën e parë do të jetë me Sonderjysken”, ka shtuar Leonora Demaj.

Në vendet skandinave, por edhe në Gjermani e Zvicër luajnë disa prej hendbollisteve të kombëtares së Kosovës. Përshembull në Norvegji me plot sukses po paraqiten Mirela Gjikokaj e Dorentina Osmani, që poashtu kanë shumë vlerë për kombëtaren e Kosovës.
Leonora si kapitene, po i përcjell lojtaret tjera të Kosovës.

“Natyrisht që i përcjelli vajzat e Kosovës. Më vjen shumë mirë që po zhvillohen si duhet. Më shumë jam e lumtur që zhvillimi i tyre do ta forcojë Kosovën. Të gjitha punojmë në atë drejtim, që ta forcojmë Kosovën dhe të arrijmë suksese të reja”, ka thënë Demaj.

Share on facebook
Share on twitter
Share on whatsapp
Share on email

Lajme tjera

Istogu e ka fituar ndeshjen e parë finale të plejofit në Superligën e hendbollisteve. Të …

Besa Famgas e Prishtina kanë zhvilluar një ndeshje shumë të fortë të shtunën pasdite në …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është …

Pas dy ndeshjeve të Kombëtares së Kosovës, është koha për finalen e plejofit në Superligën …

Të shtunën luhet ndeshja e parë e finales së plejofit në Superligën e Kosovës në …

Istogu e ka fituar ndeshjen e parë finale të plejofit në Superligën e hendbollisteve. Të shtunën mbrëma në Istog, …

Besa Famgas e Prishtina kanë zhvilluar një ndeshje shumë të fortë të shtunën pasdite në palestrën “Karagaçi” në Pejë. …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është nënshkruar në kabinetin e …

Pas dy ndeshjeve të Kombëtares së Kosovës, është koha për finalen e plejofit në Superligën e Kosovës në hendboll …

Të shtunën luhet ndeshja e parë e finales së plejofit në Superligën e Kosovës në hendboll në konkurrencë të …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës së Republikës së Kosovës …

Vushtrria e Istogu do të takohen në gjysmëfinale të Kupës së Republikës së Kosovës në hendboll në konkurrencë të …

Nesër nga ora 13:00 tërhiqet shorti për gjysmëfinalen e Kupës së Republikës së Kosovës në hendboll. Turneu final i …

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova