Kastrioti i gatshëm për ndeshjen në Belgjikë

Kastrioti i Ferizajt është i gatshëm për ndeshjen që e luan në Vise të Belgjikës. Në kuadër të rrethit të tretë të Kupës Sfiduese (Challenge Cup) për hendbollistë, Kastrioti takohet me skuadrën belge Vise dhe ka optimizëm se mund të kalohet edhe ky kundërshtar. Ndeshja e parë luhet në Belgjikë të dielen (nesër) prej orës 20:30. Ndërsa ndeshja e kthimit është në palestrën “Bill Clinton” në Ferizaj më 24 nëntor nga ora 19:00.

Kastrioti në rrethin e dytë arriti sukses historik duke e kaluar skuadrën nga Estonia, Tallinn. Ndeshjet ishin luajtur në Ferizaj më 13 e 14 tetor kurse skuadra e Verim Zherkës fitoi me rezultat të përgjithshëm 51:47.

Skuadra belge Vise është paraqitur në katër vitet e kaluara në Kupën Sfiduese. Në tri raste ka zënë vend në mesin e 16 më të mirave. Për Visen luajnë shumë hendbollistë të huaj nga vende tjera evropiane. Kastrioti ka në përbërje dy lojtarë nga Maqedonia, por edhe disa reprezentues të Kosovës që pritet të japin kontribut të madh.

Kastrioti u ka bërë thirrje bashkëatdhetarëve në Belgjikë por edhe në shtetet tjera përreth saj që t’i ofrojnë përkrahje në ndeshjen e parë. Rezultati i mirë nga ndeshja e parë do të hapte rrugën për Kastriotin për të vazhduar ëndrrën evropiane.

Share on facebook
Share on twitter
Share on whatsapp
Share on email

Lajme tjera

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …

Prej të enjtes e deri të shtunën në Pallatin e Rinisë dhe Sportit në Prishtinë …