Kombëtarja po bënë hapa para

Kombëtarja e Kosovës në hendboll (femrat) po bënë hapa para. Dëshmi për këtë është edhe rezultati i ndeshjes së luajtur të mërkurën mbrëma në Ferizaj në mes Kosovës e Hungarisë, njërës prej kombëtareve më të fuqishme evropiane.

Ndeshja përfundoi me fitoren e pritur të Hungarisë me rezultat 37:15, por kombëtarja jonë është paraqitur më mirë se që ishte paraqitur në ndeshjen e parë ndaj hungarezeve. Në Budapest më 27 shtator të vitit të kaluar, Kosova humbi me rezultat 37:12. Të mërkurën në Ferizaj pranoi numër të njëjtë golash, por shënoi tri gola më shumë, pra 15. Këtë e arriti përkundër faktit që munguan lojtare të rëndësishme për shkak të lëndimeve, përfshirë kapitenen Leonora Demaj.

Ishte kjo ndeshja e parafundit e Kosovës në fazën e dytë eliminatore për evropian. Kombëtarja jonë mbetet e fundit në grupin e shtatë. I ka humbur të gjitha pesë ndeshjet. Është mposhtur edhe nga Holanda si vendase dhe nga Bjellorusia si vendase e si mysafire. Të shtunën vajzat tona e luajnë ndeshjen e fundit, kur i shkojnë Holandës, një superfuqie tjetër të hendbollit botëror.

Në pjesën e parë të ndeshjes, hendbollistet e Kosovës ia dolën të shënojnë vetëm tri gola. Kështu 30 minutat e parë përfunduan me rezultat 16:3 për hungarezet. Pjesa e dytë ishte bindshëm më e mirë për Kosovën. Mirela Gjikokaj,Fitore Aliu, Arlinda Krasniqi, Adriana Merditaj, Shkurta Mehmeti e Pashke Marku ia dolën që të thejnë mbrojtjen e fuqishme hungareze, që përbëhej nga lojtare të gjata, me përvojë dhe shumë të fuqishme. Por lojtaret tona në pjesën e dytë patën më shumë vetëbesim se në pjesën e parë dhe në raste shfaqën aftësitë e tyre. Me pritje të mira në portë u dalluan Njomëza Kelmendi e Dorentina Osmani.

Paraqitja jep shpresë se në të ardhmen me një short më të favorshëm kjo gjeneratë mund të arrijë rezultate dukshëm më të mira dhe kështu të tejkalohen sukseset e verës së kaluar kur me fitoret ndaj Gjeorgjisë dhe Izraelit u kalua me sukses faza e parë kualifikuese.

Kosova – Hungaria 15:37 (3:16)

Kosova: Osmani, Ferataj, Kameri, Mehmeti 1, Rexhepi, Aliu 3, Krasniqi 3, Kelmendi, Merditaj 2, Marku 1, Rugova, Shehdadi, Stagova, Gjikokaj 5.

Hungaria: Schatzl 7, Kovacsics 1, Horva-Pasztor, Kisfaludy 2, Sirian, Palos-Bognar 1, Hornyak 7, Hafra 3, Faluvegi 4, Puhalak 3, Janurik, Lokacs 2, Szabo, Karnik 2, Szekerczes 4, Toth 1.

Share on facebook
Share on twitter
Share on whatsapp
Share on email

Lajme tjera

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është …

Pas dy ndeshjeve të Kombëtares së Kosovës, është koha për finalen e plejofit në Superligën …

Të shtunën luhet ndeshja e parë e finales së plejofit në Superligën e Kosovës në …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës …

Vushtrria e Istogu do të takohen në gjysmëfinale të Kupës së Republikës së Kosovës në …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është nënshkruar në kabinetin e …

Pas dy ndeshjeve të Kombëtares së Kosovës, është koha për finalen e plejofit në Superligën e Kosovës në hendboll …

Të shtunën luhet ndeshja e parë e finales së plejofit në Superligën e Kosovës në hendboll në konkurrencë të …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës së Republikës së Kosovës …

Vushtrria e Istogu do të takohen në gjysmëfinale të Kupës së Republikës së Kosovës në hendboll në konkurrencë të …

Nesër nga ora 13:00 tërhiqet shorti për gjysmëfinalen e Kupës së Republikës së Kosovës në hendboll. Turneu final i …

Suksesi i Kombëtares së Kosovës në hendboll në kualifikimet për “Euro 2022” , vazhdon të vlerësohet. Kosova ishte në …

Vushtrria ka zënë vend në finale të plejofit në Superligën e Kosovës në hendboll (femrat). Finalen skuadra vushtrriase e …

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova