Ndeshjet e para të stinorit pranveror në Superligën e Kosovës në hendboll për meshkuj luhen më 17 e 18 shkurt. Në program do të jenë ndeshjet e javës së 15-të të kampionatit të Kosovës. Stinorin vjeshtor në pozitën e parë e ka mbyllur kampionia aktuale, Besa FamGas, që i ka fituar të gjitha 14 ndeshjet. Prishtina është e dyta me 26 pikë, përkatësisht me 13 fitore e një humbje. Humbjen e vetme e ka pësuar pikërisht nga Besa. Pasojnë Drita me 20 pikë e Kastrioti me 15. Në mesin e tabelës janë Trepça e Zhegra me nga 13 pikë, ndërsa pas tyre renditen Vushtrria me 11 e Vëllaznimi me 8. Në dy pozitat e fundit renditen Samadrexha e Llapi me nga dy pikë.
Ndërkohë kampionati në Superligën e femrave vazhdon më 24 shkurt. Garat pranverore në Ligën e parë, në të dy konkurrencat, nisin më 10 mars.
