Vëllaznimi – Trepça pritet të jetë çerekfinalja më interesante e Kupës së Republikës së Kosovës në konkurrencë të meshkujve. Këto dy skuadra takohen të enjten nga ora 18:00 në palestrën në Gjakovë.
Në ndeshjet e Vëllaznimit me Trepçën në këtë edicion ka pasur rivalitet. Të gjitha përballjet mes tyre janë vendosur në aksionet e fundit. Të dy skuadrat me traditë e synojnë paraqitjen në gjysmëfinale.
Ndeshje interesante pritet të jetë edhe ajo në mes të Vushtrrisë dhe Kastriotit, që luhet të mërkurën (nesër) nga ora 20:00.
Prishtina është favorite ndaj Drenicës (e mërkurë ,17:30), njëjtë si Besa Famgas ndaj Zhegrës. Ndeshja Besa – Zhegra luhet të dielën nga ora 15:00 në Gjilan.
