Ramadani: Gabimet në sulm ndëshkuan kombëtaren ndaj Polonisë

Në foto shihet selektori i Kombëtres sonë ((meshkujt), Taip Ramadani.

Kombëtarja A e Kosovës në hendboll të enjten është kthyer në Prishtinë pas ndeshjes së vështirë që e kishte të mërkurën në Poloni. Në lojën e parë të fazës së dytë kualifikuese për “Euro 2020”, kombëtarja jonë humbi nga Polonia me rezultat 37:13. Për lojtarët nuk do të ketë kohë për pushim pasi menjëherë të dielen luhet ndeshja edhe më e vështirë, ndaj superfuqisë Gjermanisë. Ndeshja Kosova – Gjermania luhet nga ora 19:30 në Pallatin e Rinisë dhe Sportit.

Selektori Taip Ramadani ka thënë se gabimet në sulm i kanë kushtuar shumë kombëtares tonë ndaj polakëve.

Më poshtë është deklarata e Ramadanit pas arritjes në Prishtinë.

“Patëm një fillim jashtëzakonisht të dobtë në sulm, me plot gabime elementare në pasime, kapje topi, gjuajtje dhe vendimmarrje. Polakët na dënuan ashpër në çdo gabim, me kundërzbritje të shpejta. Nëntë gola me kundërzbritje brenda 15 minutave është një statistikë e rëndë për secilin ekip. Në mbrojtjen e organizuar kam qenë shumë i kënaqur në pjesën e parë. Jupa, Quni, Fetahu dhe Beshiri eliminuan krejtësisht rrezikun polak në anën e djathtë dhe kur arritëm të ndalim kundërzbritjet pranuam vetëm një gol në 12 minuta lojë. Mirëpo problemin në sulm nuk arrinim ta zgjedhnim dhe gabimet teknike, gjuajtjet e papërgatitura vazhdonin. Nuk kishim besim në sulm dhe në aftësitë tona. Edhe kur thyenim mbrojtjen polake, gjuajtjet ishin shumë të dobta. Zgjedhnim të bëjmë lobime dhe eksperimente me portierin e gjatë 2 metra dhe me përvojë elitare prej dy dekadash, në vend se të bënim gjuajte të forta dhe të sigurta, njëjtë si polakët ndaj portierëve tanë.

Shpresoj se ky takim ndërkombëtar ua ka bërë të çartë djelmoshave tanë se si dhe me çfarë serioziteti luhet hendbolli në nivel të lartë. Nëse pretendojmë të konkurrojmë në këtë nivel në të ardhmen, duhet të bëjmë ndryshime drastike jetësore. Të fillojmë të mendojmë dhe të veprojmë si lojtar elitar, në çdo akt të jetës dhe jo si sportistë të rëndomtë që u ka ardhur rasti pa qëllim të luajnë hendboll.

Tash kemi dy ditë të rikuperohemi dhe të mundohemi sa më shumë të punojmë në dobësitë tona në sulm.”

Share on facebook
Share on twitter
Share on whatsapp
Share on email

Lajme tjera

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …

Portugalia e ka nisur me fitore bindëse turneun kualifikues në Prishtinë. Të enjten pasdite, Portugalia …

Prej të enjtes e deri të shtunën në Pallatin e Rinisë dhe Sportit në Prishtinë …