Samadrexha e Shqiponja në finale te pionieret

Samadrexha e Shqiponja janë skuadrat finaliste në Final8 të Ligës së Pioniereve. Të dielën në Gjakovë u luajtën gjysmëfinalet, ndërsa fillimisht Samadrexha fitoi ndaj Vushtrrisë me rezultat 23:17.
Elisa Krasniqi i shënoi plot 14 gola për Samadrexhën, ndërsa gjashtë i kishte Aulona Maloku.
Te Vushtrria nga gjashtë gola i shënuan Lumturije Beqiri dhe Halime Beqiri.
Gjysmëfinalja e dytë përballë i vuri Ferizajn dhe Shqiponjën. Skuadra gjakovare fitoi me rezultat bindës, 34:16.
Jonesa Bajrami u shqua te Shqiponja me 13 gola. Shtatë i kishte Orgesa Gola.
Shijesa Zeneli i kishte nëntë gola për Ferizajn, ndërsa tri i shënoi Alona Hyseni.
Ndeshjet çerekfinale janë luajtur të shtunën, ndërsa finalja është të hënën.

Lajme tjera