Me ftesë të Federatës Evropiane të Hendbollit, në Final 4 të Ligës së Kampionëve për hendbollistë po marrin pjesë edhe drejtuesit e Federatës së Hendbollit të Kosovës.
Presidenti Eugen Saraçini dhe nënpresidenti Enis Idrizi po i përcjellin nga afër ndeshjet e katër skuadrave më të mira evropiane. Turneu Final i Ligës së Kampionëve po luhet në Koln të Gjermanisë.
Qëndrimin në Koln, Saraçini dhe Idrizi po e shfrytëzojnë për takime me delegacione të ndryshme të vendeve evropiane, me synim të forcimit të bashkëpunimit.
Drejtuesit e FHK-së janë takuar edhe me drejtues të Federatës Evropiane të Hendbollit.
