Spektakli në Ferizaj i takon Kastriotit

Kastrioti e ka fituar derbin e xhiros së 16-të dhe të stinorit pranveror në Superligën e Kosovës në hendboll (meshkujt). Të shtunën mbrëma në palestrën “Bill Clinton” në Ferizaj, Kastrioti e mposhti kampionin aktual, Besa Famgas me rezultat 20:17. Ndeshja e ka arsyetuar epitetin e derbit të madh. Në një atmosferë të mirë sportive, para afro 1500 shikuesve, vendasit kanë arritur fitoren e vlefshme. Ndeshja ishte shumë e fortë, e hapur deri në fund, ndërsa lojtarët dhanë më të mirën e momentit për të bërë paraqitje që i bënë nder skuadrave të tyre por edhe hendbollit kosovar në përgjithësi.

Me fitore, Kastrioti është shkëputuar në vendin e parë me 30 pikë. Besa mbetet e dyta me 28 pikë, por deri në fund të kampionatit ka edhe përballje tjera mes këtyre dy skuadrave, por edhe me skuadrat tjera dhe gara për titull mbetet e hapur.

Skuadrat kanë dhënë shumë sidomos në repartin defanziv, ndërsa te Kastrioti është dalluar portieri A. Curri, që ka bërë shumë pritje. Curri ka kaluar te Kastrioti në afatin e janarit dhe në derbi doli si përforcim mëse i qëlluar. Kontribut shumë të madh në fitore ka dhënë edhe beku dhe lojtari më i mirë i Kosovës për vitin 2018, D. Terziqi. Ai ka shënuar plot 11 gola, ndërsa në momentet e fundit ishte i pandalshëm me gola e asistime për bashkëlojtarët. Edhe gjithë të tjerët kanë dhënë kontribut në fitoren e Kastriotit.

Besa në anën tjetër, ka pasur momentet e mira në ndeshje dhe ka dominuar në periudha të caktuara. Por paraqitja e pejanëve nuk ishte e mjaftueshme për fitore këtë herë. Kështu rezultati në përballjet direkte mes Kastriotit e Besës është 1:1, pasi pejanët kishin fituar në vjeshtë ndeshjen e luajtur në shtëpi. Ajo ishte humbja e vetme për Kastriotin, derisa Besa një disfatë e ka edhe nga Prishtina.

Besa e hapi më mirë ndeshjen dhe në pjesën e parë ishte thuajse vazhdimisht në epërsi të lehtë. Vetëm në fund vendasit shënuan për epërsinë e parë, 8:7. Numri i golave dëshmon për paraqitjen e skuadrave me koncentrim në mbrojtje. Deri në minutën e 50-të rezultati ishte poashtu i ngushtë, ndërsa në minutën e 52-të Kastrioti u shkëput në dy gola, 16:14. Vetëm në minutat e fundit epërsia u ngrit në tri gola, 19:16 e në fund 20:17.

Te Besa më efikasët ishin E. Gjuka e A. Kukrika me nga katër gola.

Të shtunën u luajtën edhe dy ndeshje tjera të javës së 16-të. Drenica fitoi ndaj Dritës në Gjilan me rezultatin bindës, 29:21, kurse Zhegra fitoi ndaj Samadrexhës në Vushtrri me 32:28. Të dielen (14:30) është ndeshja Prishtina – Vushtrria, që përmbyll javën e 16-të.

Kastrioti – Besa Famgas 20:17 (8:7)

Kastrioti: Curri, Syla, B. Syla 2, Zherka, Dugolli, Prekazi 1, Terziqi 11, Shabani 2, Ramadani, Rudari, Mustafa 2, Rajatoski 2, D. Dugolli, Esati.

Besa Famgas: B. Idrizi 3, Broqi, Gjuka 4, Jupa 1, Y. Muqolli, Tetova, D. Tahirukaj 2, Dr. Tahirukaj 1, Ramosaj 2, Kukrika 4, Bislimi, Çuziq, Tafilaj, J. Muqolli, Berisha, Mehmeti.

Samadrexha – Zhegra 28:32 (11:18)

Samadrexha: Sh. Maloku, A. Maloku 10, Hyseni 4, Krasniqi, Sopjani, Bunjaku, A. Basholli, Jashari 6, K. Maloku 5, B. Maloku 1, S. Maloku 2.

Zhegra: L. Haziri, A, Isufi 3, Aliu 6, F. Isufi 5, M. Murseli, SHaqiri 8, Murseli, A. Haziri 10, Ibrahimi.

Drita – Drenica 21:29 (11:16)

Drita: Sylejmani, Latifi 2, Sllamniku 5, Veliu 3, Mehmeti 3, Musliu, Misini 8, Bunjaku, Tosku.

Drenica: Mehmeti 8, TRhaqi, Haxhijaj 6, Haxhiu 1, Zariqi 1, Qorri 1, Klinaku 9, Muqolli, Lladrovci, Hasani 3.

Share on facebook
Share on twitter
Share on whatsapp
Share on email

Lajme tjera

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është …

Pas dy ndeshjeve të Kombëtares së Kosovës, është koha për finalen e plejofit në Superligën …

Të shtunën luhet ndeshja e parë e finales së plejofit në Superligën e Kosovës në …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës …

Vushtrria e Istogu do të takohen në gjysmëfinale të Kupës së Republikës së Kosovës në …

Është nënshkruar sot memorandumi i bashkëpunimit me Ministrinë e Kulturës, Rinisë dhe Sportit. Memorandumi është nënshkruar në kabinetin e …

Pas dy ndeshjeve të Kombëtares së Kosovës, është koha për finalen e plejofit në Superligën e Kosovës në hendboll …

Të shtunën luhet ndeshja e parë e finales së plejofit në Superligën e Kosovës në hendboll në konkurrencë të …

Skuadrat favorite, Besa Famgas e Prishtina kanë shmangur përballjen mes tyre në gjysmëfinale të Kupës së Republikës së Kosovës …

Vushtrria e Istogu do të takohen në gjysmëfinale të Kupës së Republikës së Kosovës në hendboll në konkurrencë të …

Nesër nga ora 13:00 tërhiqet shorti për gjysmëfinalen e Kupës së Republikës së Kosovës në hendboll. Turneu final i …

Suksesi i Kombëtares së Kosovës në hendboll në kualifikimet për “Euro 2022” , vazhdon të vlerësohet. Kosova ishte në …

Vushtrria ka zënë vend në finale të plejofit në Superligën e Kosovës në hendboll (femrat). Finalen skuadra vushtrriase e …

Federata e Hendbollit e Kosovës

House of Sport

Kati II nr. 15
Agim Ramadani nr.253
10000 Prishtina
Kosova

Tel: +383 38 248 759

Për ne

Garat

Përfaqësueset

Shoqatat

© Copyright - Kosova Handball Federation

Made in Kosova