Federata e Hendbollit e Kosovës të premten ka vazhduar edhe për një vit bashkëpunimin me kompaninë e njohur dhe të suksesshme, Gorenje.
Marrëveshja e sponsorizimit është nënshkruar në bazë të Ligjit për Sponsorizim në fushën e Kulturës, Rinisë dhe Sportit.
Gorenje edhe deri më tani ka qenë partner i FHK-së.
Marrëveshja e vlefshme për vitin 2022 është firmosur nga presidenti i FHK-së, Eugen Saraçini, dhe përfaqësuesja e Gorenjes, Ermira Kadriu.
Të dy palët e kanë vlerësuar të suksesshëm bashkëpunimin e deritashëm dhe janë pajtuar që bashkëpunimi të jetë edhe më i madh në të ardhmen.
