Vushtrria fiton derbin dramatik

Hendbollistet e Vushtrrisë e kanë fituar derbin e javës së tretë në Superligën e Kosovës në hendboll. Të shtunën mbrëma në palestrën “Shani Nushi” në Gjakovë, Vushtrria fitoi ndaj Istogut vendas me dy gola dallim, përkatësisht me rezultatin 28:26. Ishte një ndeshje cilësore dhe dramatike që u vendos vetëm në minutat e fundit.

Istogu e fitoi pjesën e parë me rezultat 15:14, ndërsa gjatë 30 minutave të parë kishte epërsi deri në katër gola (13:9). Në pjesën e dytë istogaset thuajse vazhdimisht kalonin në epërsi prej një goli, por vushtrriaset nuk dorëzoheshin dhe barazonin rezultatin. Në minutën e 47-të Istogu kishte epërsi prej tri gola, 25:22, por lojtaret e Vushtrrisë më pas shënuan tri herë dhe barazuan rezultatin në 25:25 në minutën e 51-të. Prap Istogu kaloi në epërsi 26:25, ndërsa më pas rezultati u barazua në 26:26 në minutën e 56-të. Më lojtaret e Istogut nuk realizuan gola, ndërsa lojtaret e Vushtrrisë shënuan edhe dy herë për të fituar sfidën me rezultat 28:26. B. Rama e Z. Zymberi shënuan dy golat e fundit. Rama ishte bindshëm më efikasja te Vushtrria me 12 gola. Istogun e udhëhoqi E. Kameri me nëntë gola.

Për Vushtrrinë ishte fitorja e tretë në po aq ndeshje ndërsa Istogu pësoi disfatën e parë.
Të shtunën u zhvillua edhe ndeshja në mes të Vjosës dhe Shqiponjës. Fitore të thellë me rezultat 40:11 shënoi skuadra gjakovare, Shqiponja, që është edhe kampione aktuale. Shqiponja tashmë i ka tri fitore.

Istogu – Vushtrria 26:28 (15:14)

Istogu: Avdylaj, Shehdadi, Kameri 9, Shatri, Venetsky 3, F. Rexhaj, Halitaj, V. Rexhaj, Ferataj 3, Krasniqi 2, Ahmetxhekaj, Ujkiq 5, Rugova 4.

Vushtrria: Kelmendi, Gubetini, Avdiu 4, Rama 12, Zymberi 1, Preniqi, Mehmeti, A. Kelmendi 5, Rrahmani, Selaci, Kosumi 3, Tahiri 3.

Share on facebook
Share on twitter
Share on whatsapp
Share on email

Lajme tjera

Hendbollistet e Kombëtares U19 të Kosovës do të mblidhen javën tjetër (1 korrik) për Kampionatin …

Me finalen e Ligës së juniorëve, të luajtur të dielën, ka përfunduar edicioni garues 2020/2021 …

Federata e Hendbollit e Kosovës është vlerësuar lart për organizimin e një tjetër ngjarjeje ndërkombëtare. …

Njëra prej lojtareve kryesore të Kosovës, Arlinda Hajdari, ka pësuar lëndim serioz në ndeshjen e …

Hendbollistet e Kombëtares së Kosovës kanë humbur ndeshjen vendimtare të raundit të parë kualifikues për …

Perfaqesuesja e Kosoves ne hendboll duke festuar me Kryeministrin Albin Kurti

Kryeministri i Kosovës, Albin Kurti ka ndjekur nga afër ndeshjen mes Kosovës dhe Luksemburgut. Ai …

Me numër shumë të limituar të lojtareve (10 gjithsej, prej tyre 3 portiere), Kombëtarja e …

Kombëtarja e Kosovës në hendboll (femrat) është kthyer në rrugën e sukseseve. Pas shenjave të …