Search
Close this search box.
Search
Close this search box.

Vushtrria me fitore të rëndësishme ndaj Prishtinës

Vushtrria i ka fituar edhe dy pikë të rëndësishme në Superligën e Kosovës në hendboll (meshkujt).
Të enjten mbrëma në Vushtrri, skuadra nga ky qytet mposhti Prishtinën më rezultatin e ngushtë, 31:29.
Ndeshja i takoi xhiros së 24-t të Superligës.
Vushtrria tani i ka 11 pikë në pozitën e gjashtë. Prishtina është e pesta me 19 pikë.
Pas fillimit të barabartë, vushtrriasit nisën shkëputjen pas minutës së 16-të. Pjesa e parë përfundoi 20:13 për Vushtrrinë.
Në pjesën e dytë Prishtina shfaqi më shumë. U afrua disa herë në dy gola, por kjo ishte e tëra që bëri.
Egzon Ademi i shënoi nëntë gola për Vushtrrinë. Gjashtë i kishte Erkan Abazxhiku, ndërsa nga pesë Fitim Klinaku e Amir Fazliu.
14 gola për Prishtinën i shënoi Albi Gjuka. Gjashtë i realizoi Agon Bajqinovci e pesë Vladyslav Napadailo.

Lajme tjera